答謝大甲媽恩情 香港總舖師攢港式燒臘還願
發布時間：
更新時間：
講著答謝神恩，普遍逐家攏嘛攢四果佮牲禮，毋過臺中大甲的鎮瀾宮，煞有人攢豬囝、燒鴨佮燒鵝來咧拜，原來就是一个按香港來的，今年56歲，臘肉店的頭家李福敬，伊少年時愛搏，搏甲手頭的餐廳隨間仔一直倒，弄家散宅，就是當佇咧溜尾的時，伊來佮鎮瀾宮的媽祖結緣，如今也已經重新徛起來囉。
一陣人走進大甲鎮瀾宮，手捀烤豬、烤鴨、燒鵝來向大甲媽還願，李福敬今年56歲，專門作香港燒臘料理，燒臘店的員工，答謝大甲媽的恩情。現場的信眾是攏大開眼界，憑媽祖的福氣，食到總鋪師的好手藝。
==大甲鎮瀾宮 信眾==
我拿到那個脆皮豬肉跟烤鴨
脆脆的 油油的 香香的
==主廚 李福敬==
今天就是媽祖娘娘在我們店裡駐鎮
好幾個月 所以生意好起來
所以今天聚集所有員工來答謝祂
原來李福敬佇三十偌冬前，對香港返來台灣開燒臘餐廳，彼當時靠到好手藝，餐廳一開就是幾偌間，不過彼當時興跋筊、袂曉想，舞甲弄家散宅，後來佮大甲媽結緣，怎按呢共筊改起來，這陣東山再起，重新開燒臘店。
==主廚 李福敬==
愛賭啦 尤其這些做廚師的
也輸了不少
所以說 便當店 餐廳一家開一家
一家開一家也是賭光了
到後來的話
服務處的人跟我說不要再賭了
開這家 所以生意好起來
李福敬將謝神的牲禮攢甲有夠豐沛，向望媽祖食了感受到他的心意，也保庇他的燒臘店繼續興起來。
記者 綜合報導
