風颱橫掃 南鯤鯓牌樓倒、將軍港漁船嚴重受損
發布時間：
更新時間：
颱風丹娜絲對嘉義登陸，隔壁的臺南昨昏（7/6）暗風雨真大，沿海地區也傳出災情。北門的南鯤鯓代天府牌樓規个倒落來，廟埕積水，今仔日（初7）早起也捌無電抽水；蘆竹溝觀光漁港也有棑仔夆吹甲歹歹去；將軍港超過20隻海釣船是嚴重受損；抑若佇七股的十份里，有300外戶厝頂的紅瓦攏夆吹甲四界飛，連搭鐵厝的紡織廠，鐵鉼也攏飛了了，賰骨架仔爾爾。另外，安南區濱海公路的加油站，因為停電，無法度替人客加油。（新聞標題、導言為台語文）
唐嘉良/編輯
823公投》重啟核三，你怎麼看？
