陽明海運貨櫃船「動明號」 佇浙江舟山港爆炸
發布時間：
更新時間：
陽明海運的貨櫃輪「動明號」，今仔日傳出佇中國浙江的寧波周山港，發生大爆炸。根據中國的初步判斷，可能是貨櫃輪頂頭的貨櫃爆炸，暫時無人員傷亡，詳細事故原因閣愛調查。（此則新聞標題、導言、內文皆為臺語文。）
貨櫃船衝煙了後，煞就雄雄著火，本底佇鏡頭頭前的貨櫃，一直爆炸變碎糊糊，殘骸閣對船頂落落來。這是8/9下晡一點外，停佇中國舟山港的陽明海運「動明號」雄雄爆炸，陽明海運表示，初步調查是一个危險品貨櫃發生爆炸，照in申報的物件是：冷藏貨櫃代替一般貨櫃使用，無插電的需要，火勢已經受著控制，船頂的人員攏安全撤離，事故原因閣愛理清。
曹詠涵/編輯
