世貿年貨大展覽明日起鼓 北港朝天宮媽駐駕
發布時間：
更新時間：
過年一定愛款東款西，2024年世貿年貨大展明仔載起鼓。主辦單位這改有和北港朝天宮合作，北港媽的聖駕今仔日已經來展覽會場安座，希望新的一年有媽祖保庇，逐家攏有一个好的開始。（此則新聞標題、導言、內文皆為臺語文。）
范謝將軍☒領，眾人迎接，北港朝天宮天上聖母來到台北世貿一館，為2024年世貿年貨大展駐駕。北港朝天宮參外貿協會合作，已經是第11擺，共媽祖請到年貨大展的會場。
北港朝天宮董事長 蔡咏鍀，「逐家咧買過年的物件的時陣的過程，會當來拜媽祖、會當軁轎跤，這是重點，尤其南部上北的人真濟，有當時仔ﰀ過年愛上班 無閒通轉去，阮嘛希望借這个機會，予ﰀ通參媽祖短距離的講話。」
北港朝天宮董事長蔡咏鍀☒頭，軁過轎跤，希望規个展覽會當圓滿。這擺的世貿年貨大展，是自Covid-19疫情完全解封了後、的頭一个世貿年貨大展，外貿協會估計，業績至少通成長3成。
對外貿易發展協會董事長黃志芳講，「規模並舊年增加30%，所以有500間的業者，計共使用800个展覽位，今年咱希望商機通達到8000萬新臺票，也希望有35萬以上的參觀人次，並舊年絕對是成長30%以上。」
外貿協會表示，今年的年貨展，除了有便的年菜、南北貨等等，也有熥燒就通食、方便的即食食品，佮多元化的國際商品，民眾到場、通一擺攢便所有的年貨。北港朝天宮也講，民眾除了通佇會場拜媽祖、提結緣品，也通點光明燈，提福袋，就會使佇明年的元宵參與抽獎。
洪家馨/編輯
