嘉義民雄大士爺文化祭 繞境放水燈、紹介文史

佇熱鬧的街仔路來走讀，介紹地方文史，嘉義縣民雄鄉在地的文史團體，配合大士爺文化祭的活動，娶民眾走民雄街仔認捌地方，嘛紹介大士爺祭典放水燈的科儀。

民雄大士爺董事長周漳炎表示，「民眾對這个放水燈的意義，攏無啥了解，今仔日順這个機會，予咱善信大德，對這个大士爺放水燈這个活動，介紹按怎來。」

導覽說明人黃顯淨：「流水厝猶閣有108蕊水燈，代表就是好兄弟姐妹，對水內底引渡上岸，然後來參與咱這改的法會，大士爺的祭典。」

為著欲祈求地方平安，放水燈的進前，法師閣愛先來云庄，行較早民雄的四個城門，雖然後來落著大雨，猶毋閣猶是有誠濟人，對頭行到尾來參與。

打貓街坊文化協會理事 吳至鎧說明，「民雄遮的大士爺是除了普渡以外，閣有共這大士爺聖誕千秋，就是大士爺生 這个概念，囥佇內底，所以民雄遮對大士爺的尊敬佮信仰，是我感覺這个導覽內底，上重要的部份」

參與民眾 陳先生講，「做一个佇臺中大漢的人，來看這種文化，毋捌出現佇家己的成長記持，有機會重新認捌這个所在，我是感覺誠欣羨在地人。」

打貓街坊文化協會講，這是第一改配合大士爺廟、嘉義縣政府來舉辦的走讀活動，希望毋但有宗教活動的鬧熱，嘛會當來傳承在的文化記持。