悼念烏魯木齊火厄 中國警民衝突.煏白紙運動

中國發生白紙運動。就有專家學者表示,目前的抗爭有實際行動、也有網路,毋過猶未看著有組織咧行動。中國政府這禮拜以內可能會做出應變,安搭民眾的情緒。

一場發生佇新疆烏魯木齊的大火,燒出中國人民的規腹肚火。11/26暗時,上海市民佇街路舉辦紀念火災傷亡的活動,因為警察以防疫為理由準備趕人,活動最後煞變做團體抗爭,

民眾除了喝口號以外,嘛開始傳一張一張的白紙,表達in對政府控制人民言論的不滿。白紙活動對街仔路開始湠,這馬已經有50幾間學校佇網路佮實體世界響應,毋過華人民主書院表示,目前猶未看著有組織的行動,

華人民主書院董事會主席曾建元表示,「欠缺一个較完整的社會網絡,來進行相關的行動串連,目標的設定嘛無,所以這馬看起來猶閣是一般的群眾事件。」

針對這波抗爭,真濟人攏想欲知影中國政府後一步會按怎做?對話中國智庫所長,1989年六四事件彼時的學生領袖王丹認為,共產黨有可能佇未來幾工內提出防疫放冗的措施,予民眾的情緒小可降落來

對話中國智庫所長王丹表示,「中國共產黨可能佇未來一兩工內,會出來針對防疫政策小可做一寡讓步,抑是做一寡放冗措施,比如封城措施,解封一寡社區抑是城市,來平緩局勢。」

王丹表示,未來這幾工是關鍵,若準民眾對政府的應變無滿意,尾仔真有可能變做武力鎮壓,各界愛特別注意。
 

 

相關新聞