各部會推優惠券效果ﰴ 地方創生券閣96%無人用

舊年10月開始使用的振興券,4月就欲到期矣,毋過加碼劵到今是猶超過6成以上的人無使用,尤其國發會的地方創生劵,竟然有96%攏無使用。

為著加強振興券提振經濟的效果,真濟行政部會舊年閣疊價發行加碼劵,但是這陣使用期限欲到矣,煞有足濟猶未使用,有立委就點名像地方創生劵有96%無使用,佮i原劵、動滋劵是使用率上低的前三名。

國發會國土區域離島發展處簡任技正陳信揚:「因為阮的店攏較屬於微型店,而且較無佇都會區的所在;所以阮的店基本上攏是分佇中南部抑是東部,較袂佇大都會區,像大台北其實店就較少。」

舉地方創生劵來講,國發會編二億,推二波促銷方案,但是累積使用的金額才424萬,比起使用率上好的好食劵,編20億左右使用欲18億,成效差成濟,毋但店頭無受著振興效果,也浪費宣傳成本,另外已經算是較熱門的藝放劵也有五成外猶未使用,農遊劵、國旅劵,也閣有六成囥佇遐。

觀光局業務組專委羅司宜:「因為疫情影響的關係,我看這部份也是足嚴重的;所以講阮的使用率是佇二二八連假後,阮的使用率已經有提升了5%。」

立委批評,加碼劵預算總共也有90億,但是按呢的成效真正無好看,也認為使用率低佮APP程序複雜、通路少無好用、民眾袂記得領有關係,干焦賰個外月的使用期限,也呼籲民眾通趕緊使用,各部門也愛盡力宣傳。

相關新聞

專題|全台敬老金大調查