冬奧臺灣隊授旗 有4席參賽資格.女性歷屆上濟

閣16工就是2022北京冬季奧運的開幕典禮，體育署佇1月19舉辦授旗典禮而且發加菜金，確定的代表選手有競速趨冰的黃郁婷，無舵雪車的林欣蓉，懸山趨雪的李玟儀、何秉睿。

2022北京冬奧代表團 林鴻道團長表示，「閣較難得的是趨雪的部份，咱這擺男女選手攏有提著比賽資格，嘛是頭擺咱仝時間有男女選手攏有比賽資格。咱佇咧亞熱帶地區，欲佇冰、欲佇雪頂面取得參賽權真無簡單。」

今年是台灣參加冬季奧運，女子選手上濟的一屆，目前賰戴瑋麟參連德安猶咧等待22的最後結果。另外歐美國家對中國人權問題，宣布的外交抵制，教育部表示保持中立

教育部次長 林騰蛟表示，「國際的比賽基本上就是保持中立的立場，政府莫干涉佮介入，一方面確保選手比賽的權益，另外一方面阮也積極參與國際體育組織。」

林騰蛟講，照往過台灣參加國際奧運的例，攏無派官方代表參加，是由中華奧會☒團，佇北京參國內也會有專門的防疫團隊，照顧選手的健康。