五日節連假 國道服務區停業.出入便所著徛名

就驚國內疫情佇連假期間夯懸，高公局今仔日宣佈，高速公路的服務區，五日節連假攏愛歇睏。高公局也會做車量管制，控制佇過去連假，交通量的一半以下。另外，臺鐵和高鐵到昨昏為止，差不多退6千張票矣。


就驚五日節疫情升溫，高公局初10宣布，國道全線15个服務區的賣場，包括超商、eTag櫃台、食薰室等等公共設施攏會關，民眾出入便所、加油站攏愛徛名。

國家公園除了繼續關，內政部也會加強巡邏，包括墾丁所有的沙埔、合歡山主峰、太魯閣武嶺亭等等無開放，除了陽明山和玉山塔塔加地區國家公園的停車場總關，其他停車場的車量攏愛減4成，抑若全台142條的自然步道和42條林道，也仝款無開放。連假疏運，高鐵載客率降到五成一，台鐵是降到三成八。

交通部也會控制交流道車流，共壓佇過去連假交通量的一半以下，中央猶是呼籲民眾盡量用敲電話代替回鄉過節，若真正愛轉去一逝，定著愛做好自主健康監測。