臺北車頭為防疫封滾水機 街友無地食水
發布時間：
更新時間：
全臺灣三級防疫，誠濟公共設施攏暫停服務。關心街友的民間團體表示，臺北車頭的飲水機這陣封起來，街友想欲貯水煞愛四界揣；雖然臺北市政府有發礦泉水，毋過一工一罐，熱天實在無夠啉。
台北車頭的飲水機，為著防疫直接封起來，附近的街友向當代漂泊協會陳情，講自頂禮拜一就發現車頭佮地下街的飲水設備攏無通用，in啉水變愛四界揣，這種熱天實在袂堪--得。
因為全台三級防疫，街友本底的生活需求也拄著困難，水的問題，市府雖然有派社工、民間團體發礦泉水，但是一禮拜才四罐無啥夠，物資方面攏是麭抑是餅等等，無燒水也袂當沖泡麵、對IN來講欲食一頓燒的攏真困難。
台灣當代漂泊協會認為，台北市政府的作法傷過極端，看是毋是通適時做調整。市府中正社福中心是表示，這馬疫情嚴重，志工、人員也減少，物資發放的能量較有限。飲用水的部份當咧協調台鐵，看是毋是有所在通好囥礦泉水，予街友一擺提較濟灌。毋過食食的部份，考慮著若佇外口食便當無防護會有防疫的問題，愛閣想其他的辦法，希望逐家互相體諒度過難關。
台北車頭的飲水機，為著防疫直接封起來，附近的街友向當代漂泊協會陳情，講自頂禮拜一就發現車頭佮地下街的飲水設備攏無通用，in啉水變愛四界揣，這種熱天實在袂堪--得。
台北車頭街友:「遮爾熱的天氣，共台北車頭的飲水機，地下街的飲水機，全部攏停掉，你叫遮的街友欲去佗位啉水，物資比進前少真濟，攏強欲斷去。」
北車街友:「本底阮攏是一个人鬥幾十箍，去電腦間洗身軀，這馬電腦間也關起來，水變做台北車頭的飲水機攏關掉，假使阮有慢性病藥仔著愛食，無水，也無法度洗身軀，是欲按怎。」
因為全台三級防疫，街友本底的生活需求也拄著困難，水的問題，市府雖然有派社工、民間團體發礦泉水，但是一禮拜才四罐無啥夠，物資方面攏是麭抑是餅等等，無燒水也袂當沖泡麵、對IN來講欲食一頓燒的攏真困難。
當代漂泊協會執委郭盈靖:「佇香港抑是世衛組織，其實有講著一个方式，譬如講阮佇飲水機的部份，愛去做好公共衛生的管理，譬如講實施出口水的一个消毒，抑是培訓志工佇邊仔，做好飲水機的公衛防護。」
台灣當代漂泊協會認為，台北市政府的作法傷過極端，看是毋是通適時做調整。市府中正社福中心是表示，這馬疫情嚴重，志工、人員也減少，物資發放的能量較有限。飲用水的部份當咧協調台鐵，看是毋是有所在通好囥礦泉水，予街友一擺提較濟灌。毋過食食的部份，考慮著若佇外口食便當無防護會有防疫的問題，愛閣想其他的辦法，希望逐家互相體諒度過難關。
