營建廢棄物違法囤農地 立委:中央著設追蹤系統

臺北市因為無處理營建廢棄物的所在,定定愛共物件運到中南部去埋。毋過有立委表示,營建廢棄物送去處理的過程,政府攏無掌握,可能造成烏心業者共廢棄物違法埋佇農地內面。

台北市舊年的都市更新案占全台灣百分之五十七,而且閣有濟濟商業工程、社會住宅建案等等,每年產生的營建廢棄物是真濟。台北市議員邱威傑指出,台北市內因為無會使埋營建廢棄物的所在,遮的廢棄物定定需要運去中南部的縣市。

立法委員洪申翰講,營建廢棄物對土石方資源堆置處理場運到最終處置場的過程,政府是攏無咧掌握,這可能造成廢棄物違法埋佇咧中南部的農地內底。

邱威傑指出,政府確實是有依照法律來收送廢棄物,但是廢棄物的處理定定發生一擺閣一擺轉予包商做的現象,落尾的流向是真僫追蹤,希望營建署等等機關愛佮地方政府來合作,共同解決這个問題。營建署佇記者發稿進前,猶無回應。

相關新聞

專題|全台敬老金大調查