二崙廢棄公墓地重整理 挖著清朝墓牌
發布時間：
更新時間：
雲林二崙，地方有真多拋荒的公墓，予民眾烏白擲糞埽，公所去整地，嘛挖出一寡清朝跟日本時代的墓牌。
這兩塊墓牌、一塊是清朝時代、一塊是日本時代，攏是進前雲林二崙鄉大義村的公墓、整地的時發現的。
雲林二崙鄉內有濟濟廢棄的公墓，定定有民眾烏白擲廢棄物，造成四邊環境垃圾。對此，公所拍算好好仔整理，嘛會進行美化的改造工程。
鄉長表示，因為整理廢棄的墓園和做綠美化工程，需要一段時間，呼籲民眾發揮公德心，莫烏白擲糞埽，做伙創造閣較好的生活環境。抑若挖著的兩塊古早的墓牌，嘛會當做文物保存。
