雲林麥寮鄉親畫鼓仔燈 祈求新年平安順序

受疫情影響，雲林麥寮袂少慶祝新年的活動攏取消。在地居民前一站仔動手畫鼓仔燈，將新年向望畫佇鼓仔燈頂頭，計共400外粒的鼓仔燈就展示佇泰安宮廟埕，一路展到元宵過，祈求平安好過年。

序大提蠟筆，將新年向望一筆一筆畫佇鼓仔燈頂頭，另外一爿的阿嬤無閒漆色，就望鼓仔燈媠閣大範。

雲林縣麥寮鄉的序大囝仔雖罔毋是專業畫家，不過對in的作品五花十色，對牛、風景到蜘蛛人攏有，濟共400外粒鼓仔燈，這馬就佇泰安宮廟埕展示，欲一路展到元宵過。

受疫情影響，泰安宮取消抽獎活動，鄉公所一寡慶祝新年的活動嘛取消，不過在地居民攏望，安遮的鼓仔燈聚集好運，牛年平安過好年。