60年代西門町衝電影 當年手畫海報出版說風光

逐家知影臺北的西門町有電影街,60年代的西門町,彼當時有百外間的電影公司、十外間的戲院;戲院外口的宣傳海報,攏是人工畫出來的。國家電影中心佮視聽文化中心,這馬將遮的海報重閣出版,望民眾了解臺灣電影產業的歷史。

一張一張手畫的電影海報,詳細共看,每一个人物的細節攏畫甲真幼路,佇印刷猶無講蓋興的年代,電影海報畫師著愛共一齣電影的精神掠予準。

電影界真有代表性的海報畫師,陳子福先生,佇西門町出世,今年已經95,規世人畫過的海報將近五千幅,回顧伊的作品,嘛等於是看迵過1960年的電影時代

古早時的手畫電影海報,是台灣真寶貝的文物。這陣透過較倚近少年人的畫冊佮báng-gà(尪仔圖)重閣展現,☒逐家回顧當年精彩的台灣電影。藍祖蔚嘛講,逐家若對遮的影片有興趣,歡迎行一逝國家影視聽中心,進一步認捌當年台灣電影的手路佮表達方式。

全台敬老金大調查

相關新聞