獨居老大人生活不便 民團鬥摒厝內好過年
發布時間：
更新時間：
嘉義六腳有一位七十外歲的老大人，因為親人攏無佇咧身軀邊，這幾冬因為青光眼的症頭，沓沓仔開始看無，知影這件代誌的民間團體，就趕佇過年進前替伊摒掃厝內。
志工無閒咧拭櫥仔，摒厝內，欲趕佇過年進前，替目睭已經看無啥有的黃老先生，共厝內外的環境整理好勢。
無序細佇邊仔照顧的黃老先生，已經70外歲矣，目前的生活除了福利單位佮公部門的照顧，厝邊嘛會幫忙。黃老先生講，青光眼予伊攏看無物件，欲過年也無法度摒掃，佳哉有人來鬥相共。
社會局表示，目前嘉義縣內孤單徛的序大，大約有千六位，透過佮民間福利團體的合作，佇過年進前這段時間加強協助，希望in的年會當過甲較四序。
志工無閒咧拭櫥仔，摒厝內，欲趕佇過年進前，替目睭已經看無啥有的黃老先生，共厝內外的環境整理好勢。
無序細佇邊仔照顧的黃老先生，已經70外歲矣，目前的生活除了福利單位佮公部門的照顧，厝邊嘛會幫忙。黃老先生講，青光眼予伊攏看無物件，欲過年也無法度摒掃，佳哉有人來鬥相共。
社會局表示，目前嘉義縣內孤單徛的序大，大約有千六位，透過佮民間福利團體的合作，佇過年進前這段時間加強協助，希望in的年會當過甲較四序。
