國造塔江艦今落水 海軍頭隻布雷艇交船
發布時間：
更新時間：
有「航空母艦殺手」之稱的-海軍高效能艦艇，今仔透早舉行落水典禮，總統蔡英文除了親身主持，也共這隻國艦國造的軍艦，號名做:塔江軍艦。另外，今日也有舉行頭一隻快速布雷艇的交船儀式。蔡英文表示，這對國防的應用能力，有大大提升。
矸仔擲落，總統蔡英文象徵性替沱江級軍艦量產型第一台號名落水，伊嘛特別登船，巡視布雷艇。
這擺的塔江艦是以台東的塔瓦溪來號名，象徵排灣族人毋驚艱苦的精神。另一个意思是海上的堡壘。原本的海軍沱江級原型艦已經服役五冬外，量產型的塔江號除了提升甲700噸，滿載船速有30節，嘛裝配3D對空搜索雷達反艦飛彈佮76快砲系統，會使講火力強閣有防空能力，布雷艇有水雷系統，是台海防禦袂當欠缺的
自前一站仔國造藏水艦起工，到沱江級安平艦交船、閣來今仔日沱江艦量產型落水等等，國軍相連紲向外界展現國防建軍的成果
2022杭州亞運 台灣百金之路
