駐美代表處閣煏9人致病 蕭美琴嘛居家隔離

美國的疫情當咧嚴重，咱台灣駐美國代表處11/24也有2个人員確診；今仔日閣檢驗，已經有9个人員確診矣，也隨啟動應變措施，駐美國代表蕭美琴，也當咧進行14工的居家隔離。

駐美國代表的人員若有確診，攏愛居家隔離，也會追蹤接觸史。其他的人改做佇厝內線頂辦公的方式。領務大廳目前也先關起來，當時會解除管制，會另外通知。另外，進前去美國交流的台灣人員11/22轉來台灣，也攏咧居家隔離當中，目前檢驗全部攏是陰性，檢疫期滿也會閣篩檢一擺。