寫父女追求自由 杜信龍新詩著臺灣文學獎
發布時間：
更新時間：
2020臺灣文學獎創作獎，昨昏有報導散文獎項，今仔日欲看的是「臺語新詩」得獎人杜信龍的故事。這回得獎的臺語詩，號做「你留佇桌仔頂的紙條仔 」，對反送中事件揣著靈感，描寫爸爸和查某囝追求自由、令人欽佩的故事。做伙來看杜信龍對傳承母語的堅持。
2013年，杜信龍辭掉鴻海集團工程師的工課，結束七年無暝無日，無閒寫程式的生活，轉來故鄉臺南陪媽媽，也成家、放慢跤步，伊才開始提筆用母語寫詩。
杜信龍，對母語出發，伊毋但寫詩、寫散文，伊也寫歌詞。
雖罔未曾受過正式的臺語教育，毋過為著欲共母語抾轉來，杜信隆積極參加台文筆會，共家己浸佇全臺語的環境，和濟濟作家、前輩交流。
舊年，杜信龍因為聽著伊香港朋友的查某囝，佇反送中的抗爭遭遇不幸，就按呢過身；伊就共香港少年人爭取自由理想的姿勢，和老爸對囡仔為著追求正義、拚死拚命的欽佩，寫做這條「你留佇桌仔頂的紙條仔」的臺文詩，這也是今年臺灣文學獎創作獎「臺語新詩類」的頭名。
杜信龍用心寫作、走揣母語，伊的牽手攏看在眼內，也和伊同齊打造全母語的家庭。
杜信龍共伊對性命的覺醒佮追求，寫入詩內面，打動讀者的心肝；伊也望未來，媽媽的語言袂予黑暗罩牢咧，會當有好天的彼一工。
2013年，杜信龍辭掉鴻海集團工程師的工課，結束七年無暝無日，無閒寫程式的生活，轉來故鄉臺南陪媽媽，也成家、放慢跤步，伊才開始提筆用母語寫詩。
杜信龍，對母語出發，伊毋但寫詩、寫散文，伊也寫歌詞。
雖罔未曾受過正式的臺語教育，毋過為著欲共母語抾轉來，杜信隆積極參加台文筆會，共家己浸佇全臺語的環境，和濟濟作家、前輩交流。
舊年，杜信龍因為聽著伊香港朋友的查某囝，佇反送中的抗爭遭遇不幸，就按呢過身；伊就共香港少年人爭取自由理想的姿勢，和老爸對囡仔為著追求正義、拚死拚命的欽佩，寫做這條「你留佇桌仔頂的紙條仔」的臺文詩，這也是今年臺灣文學獎創作獎「臺語新詩類」的頭名。
杜信龍用心寫作、走揣母語，伊的牽手攏看在眼內，也和伊同齊打造全母語的家庭。
杜信龍共伊對性命的覺醒佮追求，寫入詩內面，打動讀者的心肝；伊也望未來，媽媽的語言袂予黑暗罩牢咧，會當有好天的彼一工。
專題｜改造地獄路 台灣行人路為何難行？
