海基會異動 董事長張小月.秘書長姚人多辭職

早起，有幾若个立法委員，趁海峽交流基金會的張小月董事長和姚人多秘書長，雙人猶未落任進前，去到會內考察，探訪公務的表現。眾人也攏肯定雙人，為著臺灣和中國的關係，種種的用心佮拍拚。嘛有真濟臺商的代表，參加早起的會面，當立委佮官員的面頭前，講出心聲，爭取政府盡量來支持。

臺商的代表表示講，正手著愛遭遇武漢肺炎的病症，倒手閣著面對中國佮美國兩爿貿易戰爭的衝擊，盡望就是望咱的政府，對待這款踮佇咧中國國內做頭路的臺商，和去到世界別國咧經營的企業主，著愛一視同仁、毋通窮分。嘛望講，政府著改善和中國的關係，通予臺商投資的環境愈穩定。