議員韓賜村涉嫌挵死人 死者的某透早墜樓送院

民進黨的高雄市議員韓賜村，5/7的時，駛車去挵著騎機車、一个姓余的民眾，到甲昨日，對方煞不幸身亡。今仔日早起，當事人的牽手，閣佇厝內按樓頂摔落來，骨折肉裂，腦部也有出血，到今猶閣佇病院咧搶救。

消防人員是早起8點半去到意外現場，對4樓尾摔落來的，是車禍過往彼个當事人的牽手。當當時，規家口攏踮一樓咧開講，干焦這个婦人人家己起去4樓尾頂，無疑誤，意外煞來發生。余家的家屬是講，因為兩个翁仔某感情真好，翁婿去予市議員挵死了後，做牽手的創傷也真重，到今猶無法度接受現實。