雲林便當店頭家 逐年分愛心便當 照顧就近民眾
發布時間：
更新時間：
雲林北港遮一間便當店，開業將近10冬，這間便當店逐年都會揀一日，相送愛心便當予人食，今嘛有袂少好心人，做伙出力助贊這項真有意義的活動，今這馬料理出來予送人食的愛心便當，是一年比較一年猶較濟。
排甲按呢躼躼長，這寡人其實攏是欲來領便當的。這間佇雲林北港鎮的便當店，自100年開業到今，熱心的頭家逐年攏會辦送愛心便當的活動，而且無限制對象，若有需要的人就會當來遮領。
ta̋nn開始，頭家家己惦惦付出3百外粒的便當，落尾受著濟濟鄉親的支持和贊助，予來領便當的人嘛講，便當店這款回饋社會的行動實在誠感心。
雖然是做了錢的生理，毋過頭家猶是真用心咧顧品質，欲予民眾吃著新鮮閣健康的便當。伊希望毋但予民眾食會飽，嘛通共in鬥幫忙。
這个活動雖然一冬才辦一改，毋過頭家講，上重要的是希望逐家同齊來做公益，替社會增加愛心資源，重視社會上真正需要關心的人。
記者 綜合報導
823公投》重啟核三，你怎麼看？
