上新消息，美國華盛頓這區，佇咧9月19暗時發生銃戰，目前已經有1个人死亡、5个人著傷。

這層槍戰的案件，是發生佇咧哥倫比亞懸地這爿的街面，離美國的總統府「白宮」才3公里遠爾爾。根據路透s這个國際媒體的報導，現時猶無確定講，開銃的人敢有掠著囉，毋過警察機關是講，拍算毋是「無認對象，舉銃出來濫糝濺」彼款案件。抑警方內部嘛有消息講，5个著傷的人，應當是無性命的g危險。案情發生的地點，這陣嘛猶有大批的警察會集，佇咧處理收煞的工課。





WASHINGTONDC-CRIME/UGC(RT)