彰化第六信用合作社發生搶案 警方已經掠著人

新聞一開始，先來看，又閣發生搶銀行的案件，中晝12點15分，彰化市彰美路頂的「第六信用合作社」，有一个男性戴帽仔、掛喙罨，提槍衝入去講欲搶劫，一下聽著警察欲趕到位，他也即時脫出去，警察逐3、4百公尺，才將伊壓制落來。這中間，伊也有向警察開一銃，佳哉無人著傷，目前已經押轉去分局訊問，到底搶銀行的動機是啥，著愛閣經過進一步的調查。


美國與中國的貿易戰愈來愈激烈，仙拚仙，所致嘛去影響著全世界的股票市場。台灣的股市早起，有跋超過190點，收盤的時嘛是摔183點落來，收佇咧1萬0 3百5十4點57點，成交量1千1百5十2點7億。／學者分析講，美國參中國的貿易戰，拍算會削甲片甲不留，佳哉台灣近來，國內的需要是有較起色，閣有貿易訂單轉向，佮台商倒轉來投資遮的原因，今年的經濟成長率保佇咧二pho，是猶真有面。