世界人權日 民團步輦踅總統府.望特赦邱和順

佇12/10世界人權日這工，親像、民間的司改會，這寡團體，閣有刺蔣案的主角黃文雄，來到總統府頭前、替死刑犯-邱和順請命，in用行的方式，踅總統府32分鐘，代表邱和順佇加獄受枉屈32冬，呼籲總統愛趕緊、共伊特赦。

世界人權日這工，包括民間司法改革基金會在內的救援者佮義務律師團，來到總統府頭前的廣場，聲援因為陸正案被判死刑的邱和順。

陳情隊伍那行那放送過去警察用拍、用罵，強逼共犯認罪的錄音帶。逐个攏上手銬、跤枷(kha-kè)，扮演邱和順的人目睭閣遮烏布，代表受冤枉32冬，佇監獄看無天光。

邱和順1987年被控涉嫌保險員柯洪玉蘭分屍案、學童陸正殺害勒索（lik-sik）案，經過濟擺更審，佇2011年被判死刑確定。毋過義務律師團認為有冤情，而且警方嘛有刑求逼口供等等的程序違法，一直替伊走傱喝冤枉，今年四月嘛有向總統府要求特赦，毋過猶未得著回應。