中秋太平雲梯溢人陣 預估可能破150萬人次

嘉義縣梅山鄉大平村的大平雲梯,唌袂少民眾去tshit迌。中秋假期期間,一工就超過6千外人去參觀,太平村的村長表示,中秋這幾日是比過年閣較鬧熱。

老街街頂的店面,攏會當看著排隊買物件的人潮,太平雲梯的入口,也是不斷有民眾買票準備欲行入走。太平村的村長表示,中秋連紲歇工這幾日,遮比過年閣較熱鬧。

地方的社區產業合作社為著慶祝經營雲梯三週年的活動,嘛有蓋濟節目,毋但有通啉茶,閣有藝文團體來演出,吸引遊客佇遮過暝,帶動觀光產業。

縣府表示,太平雲梯對地方的發展真有幫贊,對外閣通爭取建設佮資源,200外人的太平村,也成做阿里山以外新的觀光點。

阿里山國家風景區管理處表示,4工的連紲假期,太平雲梯閣捌出現一工6000外人的觀光高峰。村長講,中秋的好天氣,刺激民眾來tshit迌的意願,也希望來到遮的觀光客,會當遵守交通佮停車的規定,避免影響別人的權益。

相關新聞

專題|全台敬老金大調查