彰化長輩用面巾拗做熊 振動跤手予心情開闊

彰化、和美、新庄社區,普通時仔會替序大辦活動,前一陣仔,有排"藝術課",教序大用毛巾拗做熊仔囝的形,毋但予阿公、阿嬤訓練手的筋骨,做出來的作品,閣會當提轉去予孫仔耍。

共揪揪結佇這仙尪仔頂頭,綁予緊,阿嬤無閒咧創家己的作品。

另外一爿,老師教這个阿公黏勾錐的頭毛夾仔,彰化縣和美鎮新庄社區關懷據點真鬧熱,眾人攏咧學用麵巾做熊仔囝的形體。

阿公阿嬤提完成品,笑甲喙啊裂獅獅,攏講這擺的活動和往過,教跳舞、辦講座、和耍乒乓的課真無仝,蓋心適,和美鎮新庄社區的理事長講,受疫情影響,來參加活動的人有變少,不過這抑是頭擺替序大安排藝術課,想袂到逐家攏真捧場。

阿公阿嬤學做幼路的熊仔,用一塊麵巾布、三條橡奶、閣配兩朵粉紅的花,就會使實現生活美學,逐家耍了趣味,閣有物件紮轉去和孫仔tshit-tho5,有影真有意思。

九合一選戰解析

相關新聞