歹徒侵入人家押富戶 後生跳河討救兵

昨昏暗，中國國內真出名，家電的牌子「美的集團」開基的老頭家何享健，去予歹徒鑽入去厝內，犯案押人，佳哉ﰀ後生脱有出來，閣潦過河去報警察。今上新的消息是講，警方已經有共老頭家救出來，也掠著5个嫌疑犯囉。

警方對厝內行出來，將嫌疑犯押上車。中國家電的大牌子「美的集團」，開基的老頭家何享健，昨昏暗踮佇咧廣東佛山市的厝內，去予歹徒鑽入去押人，甚至對方可能閣有提「爆炸物」入去，佳哉ﰀ後生，脫有出來，閣潦過河去報警方，今目前「美的集團」也公開佇咧網路，表明事主平安，感謝各界的關心。今年70幾歲的何享健，照公開的資料統計，是中國第6好額的富戶家，身價超過250億的美金。