立委黃秀芳佇彰化出車禍 對方駕駛人死亡
發布時間：
更新時間：
日透早，彰化八卦山頂頭，縣道139線彼條環山路，發生兩隻車相挵的意外事件，其中一爿，車頂是載立法委員黃秀芳，黃委員和司機，攏著傷送院急救，抑對方彼隻車的駕駛人，身受重傷，不幸煞救無起來。
警方調查講，這層兩隻車對挵的案件，是早起將近6點發生，黃秀芳立委所坐的廂仔車，駛經過環山路糞埽場的斡彎彼當陣，對面向煞鼢1隻轎車出來，可能閣有貪過雙黃線的款。一下挵落去，兩隻頭的頭前橛，損害攏誠嚴重，消防人員到地，就趕緊共著傷的人，攏送院急救，結果對面向彼隻車頂，今年66歲，姓蘇的駕駛人，重傷救無起來，抑黃秀芳立委和伊的司機，嘛攏tshe3甲，幾若位傷痕。
