慶祝母親節 民眾結手工春仔花送107歲好命人阿媽

這禮拜就是母親節，佇咧雲林虎尾鎮公所，特別邀請幼兒園的囡仔和社區民眾，做伙來共107歲的阿媽廖蔡愛，慶祝母親節。

送花、送雞卵糕和紀念品，閣替阿媽結手工做的春仔花鉼針，虎尾鎮公所和社區的民眾，閣有幼兒園的小朋友，逐家同齊來替107歲的人瑞阿媽過母親節，祝福阿媽身體健康食百二。

阿媽雖然年歲已經真大，毋過身體原仔真勇健。

這个禮拜日就是母親節，毋過受著疫情的影響，今年無法度舉辦慶祝活動，公所tsua̋n特別請頂溪社區的老師，純手工做春仔花欲送予模範媽媽。

公所和社區的用心，希望陪伴人瑞阿媽和所有的媽媽，會使佇疫情當中，度過一个溫暖閣快樂的母親節。