楊蕙如受起訴 民進黨市黨部可能開除黨籍

人講號做「卡神」的楊蕙如，因為去予檢察官認定講，伊招募網軍、放假消息，才來將伊起訴。今民進黨敢會共伊的黨籍開除掉，中晝12點，臺北市黨部就已經召開「執行委員會」欲討論這條案，抑卓榮泰主席是講，一切照黨章行，尊重市黨部的判斷。

==民進黨主席 卓榮泰==
楊蕙如是屬於台北市黨部的黨員
依照我們的黨章和程序
由台北市黨部來瞭解她的所有的行為
我們再由台北市黨部來做處理
中央基本上我們會尊重
地方黨部的程序和瞭解


卓榮泰早起去共立法委員參選人阮昭雄助選的時，表示講，楊蕙如黨員的身份，屬佇咧臺北市黨部管轄下底，當然是照黨章，由市黨部落去處理，黨中央照講，是定著會尊重地方黨部的判斷。另外，卓榮泰閣強調講，「總統拚連任，國會拚過半」，是民進黨兩項主要的目標。伊嘛講目前的國會內底，黨團協商的制度，是真有通予一寡小黨伸跤出手，民進黨嘛望講，別日仔和小黨，會當較捷合作咧。