#太魯閣的眼淚
-
太魯閣敗馬車廂揣著頭殼骨 臺鐵電話賠禮惹議
|臺鐵太魯閣號發生敗馬意外了後到今已經2年外，進前佇車廂發現著罹難者的頭殼骨佮遺物。行政院昨昏召集相關單位開檢討會議，也向家屬會失禮。毋過臺鐵局長杜微今仔早起煞講是用電話或者是LINE共家屬會失禮，引起眾人批評。臺鐵局下晡閣開記者會共家屬會失禮，強調會隨个仔拜訪。（這條新聞標題、前言是臺語文。）
-
日本專家訪太魯閣事故車廂 家屬煞發現頭殼骨
|交通部邀請日本鐵道專家昨昏去到臺鐵的富岡基地，了解太魯閣自強號發生事故了後的改善作為。毋過罹難者家屬團體發言人王薇君煞咧現場發現著可能是罹難者的頭殼骨。鐵路警察今仔早起到現場閣搜一改，又閣發現八塊，可能是頭殼骨和喙齒，目前閣需要鑑定，看敢是罹難者的骨頭。（這條新聞標題、前言是臺語文。）
