#減量供水
-
高雄水情"柑仔色燈號" 用水大戶送水量減20%
|南部繼續咧欠水，高雄水情燈號對今仔日開始轉做柑仔色燈號，洗車業者、游泳池佮用水大戶，開始減量送水20%。另外，為著高雄的用水問題，水利署佇屏東挖28个井，引起當地民眾不滿，早起里港、九如、高樹鄉的農民，去到施工現場搝布條抗議，批評按呢生做,會影響著農業、養殖業的用水。
-
臺南水情柑仔色燈號 高雄啟動暝時減壓送水
|南部水情嚴重，臺南水情警戒燈號對3/1已經升級做柑仔色燈號的減量送水；高雄對今仔日(3/9)開始，也施行深夜減壓送水，水公司針對線路尾仔的地區，會攢水車佮水桶，隨時調度送水。另外，為著確保產業袂佮民生用水搶水，鳳山佮臨海這兩个再生水廠，逐工也會增加送水量，予中鋼等業者使用。(本則新聞標題、導言皆為臺語文)
