南部閣發生銃案，今仔半暝2點外，一个查埔騎oo-tóo-bái，先去臺南學甲某一間科技公司開58銃，落尾閣去無黨籍市議員-謝財旺的服務處開30銃了後就逃走，警方目前已經鎖定特定對象追查。毋過國民黨臺南市長候選人謝龍介搤講，科技公司之前是民進黨中執委-郭再欽的徛家兼公司，而且謝財旺是黃偉哲身軀邊的紅人，質疑銃案是利益糾紛。
高雄大寮今仔透早發生銃殺案，有兩台咧等紅燈的轎車，青燈才拄起步無偌久，就去予人開銃，上無開15銃，兩个駕駛一个去予人彈著頷頸後壁，一个跤著槍，兩个著傷的駕駛，互相無認識，毋過往過攏有犯案紀錄，警方也調監視器畫面，咧逐三台犯案的轎車，目前嫌犯猶未掠著。
