此網頁已閒置超過5分鐘，請點透明黑底或右上×按鈕繼續閱讀
美國聯準會欲佇臺灣時間拜四半暝，公佈敢欲升息的決議。有學者預測，美國聯準會若準繼續升，可能會害臺灣的資金走向國外，臺票會變弱勢；而且臺灣央行也有可能綴咧升半碼，若準按呢做，今年GDP3%保袂牢，對房地產也會造成衝擊。
因為美國股票直直落，而且投資人驚受著美國升息的影響，咱臺股嘛綴咧青恂恂。今仔日計共落124.78點，收佇1萬4千4百24點；匯率臺票換美金，收佇31.44箍，落9.5仙。
