央行總裁楊金龍進前咧立法院有講著，外匯管制引起市場緊張，今仔日早起佇立法院表示，台灣的外匯存底猶閣真濟，央行有才調來應對資金徙離開的問題。包含1997年亞洲金融危機、2008年全球金融危機，央行攏予台灣度過難關，也強調佇伊任內袂採取外匯管制。
美國升息影響著美股大落，臺股今仔開盤有起小可，毋過落尾煞落360點，收佇1萬3千466點，是22個月以來上低的紀錄。另外臺票換美金也是落，落到臺票31.871箍換美金1箍。分析師表示：短時間內莫落，恐驚有較困難。
國安基金12暗時宣佈進場護盤了後，今仔日臺股一開盤就衝起去，落尾收佇14324點，起374點。毋過，外界質疑進場護盤的時機傷早，而且是雄雄宣佈進場護盤。國安基金執行秘書阮清華出面掰會，認為逐家已經開始咧驚惶，才會出手護盤，防止臺股繼續跋。
