#雙北選戰
-
綠營選戰佈局引關注 風聲林佳龍欲改選新北
|民進黨雙北會派誰人來選市長？有風聲講，本底欲選臺北市長的前交通部長─林佳龍，態度落軟，有機會走去選新北。這馬嘛有風聲講，民進黨中執會按算7/13欲徵召衛福部長陳時中選臺北市，衛福部佇7/12辦的新冊感恩會，就去予人認為是公佈進前的宣傳。國民黨參選人蔣萬安就批評講，疫情猶未穩定，選舉就是無咧看顧人民的健康。毋過黃珊珊認為，莫開喙合喙就是選舉佮政治色彩。
