此網頁已閒置超過5分鐘，請點透明黑底或右上×按鈕繼續閱讀
中國這幾日仔，毋但禁咱的魚仔進口，猶閣擴大禁止咱臺灣啤酒、金門高粱，閣有黑松沙士等等的食品。衛福部今仔日是出面強調，in攏真積極咧協助國內的業者做申請的補件，絕對無延著；是中國一直共咱退件，嘛無說明原因。
中國講臺灣的石斑驗出禁藥，禁止進口，就有人咧風聲講，是因為有無合法的業者佮別人的魚貨濫做伙申報，才會害著合法的業者。毋過漁業署有去追查，發現運過去的11間養殖場，石斑攏是正常的，會共結果通知中國。
中國國台辦今仔日表示，對臺灣來的冷凍白帶魚包裝驗出新冠病毒，對頂禮拜五開始暫停進口一禮拜。農委會佮陸委會攏表示，中國這幾年攏一直用新冠病毒做理由，影響國際貿易，要求中國著先提供完整的科學證據。
