#端午疫情
-
76517例.142死 20外歲男性倒路邊.蹛院10日死
|國內今仔日有76517个本土病例，中重症409人，142人死亡。死亡個案內面，有一个20外歲的查埔人，倒佇路邊、送病院急救驗出確診，蹛院期間死亡。有一个七個月大的嬰仔確診變重症，出現痚呴喘嗽的情形，目前當咧加護病房治療。另外，全世界攏咧放冗邊境管制，臺灣目前也當咧規劃，有可能會縮短入境居家檢疫的時間，交通部長王國材表示，目前有幾落个方案咧討論，甚至有可能入境了後，開放親人來接的方式。
