#入境檢疫縮短
-
本土+23102 中重症25例.含5死亡攏毋捌注射
|今仔日國內的本土破2萬例、有23102例，5个縣市超過1千例，新北市已經超過8千例。中重症增加25例，有5个人不幸死亡，攏是猶未注過疫苗的老大人。另外，指揮官陳時中表示，未來隔離抑檢疫期間的民眾，若快篩陽性，經過醫師判斷，就會當算做確診，待專家會議了後就會實施。猶有一項新政策調整，入境居家檢疫，對後禮拜一開始縮短到7工。
