#部份限電
-
興達電廠設備故障 全臺超過549萬戶大失電
|今仔日早起9點外，臺灣各地頭攏傳出雄雄失電的消息，而且是對臺灣頭到臺灣尾攏有。台電表示，是高雄的興達電廠設備出現各樣，龍崎變電所的機組攏跳掉，致使南部地區攏失電，連帶去影響著全臺灣的的電力系統。經濟部長王美花今仔日早起，也針對這個事件向社會大眾會失禮。毋過台電閣再表示，太陽能發電的供應量降低，下班轉厝這段時間拄好是用電用上傷的時陣，雲林以南的地區暗時會分區限電。
