#楊吉雄
-
疑牽涉宜蘭縣府貪汙案 林姿妙母囝等人被聲押
|宜蘭地檢署針對食錢貪汙弊案，偵辦宜蘭縣政府的人員。昨昏去搜縣長的官舍以外，閣約談縣府一級主管、縣長林姿妙，閣有伊的後生查某囝。權問了後，林姿妙佮查某囝閣有農業處長康立和，去予檢方聲押禁見。法院召開羈押庭了後，認定三人雖然涉嫌重大，毋過無羈押的必要，裁定林姿妙80萬交保，其他兩個人免保放回，毋過林姿妙的後生是200萬交保。檢方也講，會看裁判書的內容，來決定敢欲提起抗告。
