舊年臺中南屯華興顧嬰仔中心發生苦毒囡仔的事件，今仔日閣再煏出新事證。有家長佇最近看著監視器畫面，有幾若个老師攏有虐待囡仔，甚至是𢼌囡仔頭殼、共囡仔搝跤咧塗跤拖；認為社會局有咧掩崁業者。臺中市長盧秀燕下晡公開來共外界會失禮，表示會共涉案人員送法辦，而且要求社會局限期提出調查報告。
