嘉義民雄的國家廣播文物館，最近邀請在地的歌仔戲演員做講師，來教序大按怎用廣播的方式唱歌仔戲，予序大體驗廣播的趣味。
嘉義縣竹崎鄉鹿滿客家文化創意園區，主要保存竹崎鄉鹿滿客家聚落文化，為著欲予這个園區的空間，會當符合在地序大對長照的需求，竹崎鄉公所共園區內底兩棟倉庫改建做多功能服務中心，閣配合病院欲來推動日照中心，整合附近鄉鎮的醫療資源。
