此網頁已閒置超過5分鐘，請點透明黑底或右上×按鈕繼續閱讀
關心國內疫情，這馬已經連紲30工無本土病例，毋過帶病入境有11例，其中有9例攏是注過疫苗，猶原染病的案例。抑若講著林口長庚病院進前做「AZ透濫注高端」的試驗，研究顯示，注完AZ閣注高端，伊的中和抗體是比2筒攏注AZ的人閣較濟。指揮中心也講，會討論看覓，看敢欲共高端，也列入去透濫注的一个選擇。
國內疫情漸漸穩定，今仔日無增加本土病例，咱敢有機會繼續降級咧？指揮官陳時中表示，有真濟國家的疫苗注射率攏真懸，煞攏臨時煏出疫情，若準疫苗注射率有到6成了後，才來思考欲按怎開放。另外，滿20歲以上，猶未注過疫苗，或是注過頭一筒高端疫苗，已經滿28工欲注第二筒的，這馬免上平台登記，會當直接去指定的醫療院所，注高端疫苗。
