此網頁已閒置超過5分鐘，請點透明黑底或右上×按鈕繼續閱讀
今仔日本土病例又閣超過一百例，來到160例，帶病入境也有244例。其中桃園跳舞老師群聚案，基因定序確定和桃園大潭電廠相仝，兩案可能有關聯。另外，國內也出現頭一例「XE」變種，病毒量真懸，毋過無症頭。指揮中心講，這个變種的資料真少，會按怎變化閣著觀察。
閣1月就欲迎接2022年，各地也當咧準備跨年的活動。毋過這馬新變種病毒，可能會害活動出現變數。臺北市長柯文哲就講，有可能前三工宣佈毋辦，高雄市長陳其邁是表示，會嚴格監測、隨時調整政策。
來看100冬前，臺灣的智識份子，成立臺灣文化協會，引進西方和日本進步的思想，培養臺灣人的文化意識。這馬臺北市文化局佮臺灣文化運動紀念館，推出紀念活動，欲予民眾了解，斯當時的文化協會，是按怎啟蒙臺灣社會。
