#臺北
-
2隻車酒駕閣較車 挵著別隻車害死無辜駕駛
|行政院邊仔的忠孝西路地下道，半暝仔發生死亡車禍，有2个駕駛食酒了後駛車、閣較車挵著頭前的轎車，害姓王的駕駛不幸往生。警方接著報案趕到現場，其中一位姓李的駕駛，閣假悾假痟想欲攻擊警察，警方對天頂開2銃共警告無效，就向這个查埔人大腿開2銃壓制，計共7个人押轉去調查。
-
黃珊珊喝拆一殯改起公園 閣引起選戰新議題
|臺北市長無黨籍參選人黃珊珊喝講，欲共第一殯儀館拆掉，變公園綠地，引起眾人議論。陳時中認為，這是柯文哲進前的計畫。蔣萬安也講，第一殯儀館欲拆已經是欲做的政策，未來應該愛多元規畫、尊重在地。臺北市政府目前已經編預算，送到議會審查，殯葬管理處表示，二殯二期整建工程，按算2023年年中完工，一殯相關的拆除計畫，會佇明年10月過後進行。
-
第4輪快篩實名制起鼓 1擺上濟買10支
|第4輪快篩實名制從今（15）日起上路，這次每人最多可買「2份、10劑」快篩劑。另外127萬份的BNT幼兒疫苗也將在本週到貨，預計下週開打，專家也認為講，秋天過後，疫情會閣夯起來，為著民眾的健康，臺北市政府也呼籲民眾儘注疫苗，甚至推出注射的措施，鼓勵民眾趕緊來注。
-
臺北飲料店12月起禁塑膠杯 已提早半年宣導
|環保署2024年按算欲全面禁用塑膠杯，臺北欲提早佇今年12月份開始實施，市內2千外間飲料店攏袂使用塑膠杯，環保局表示，六月就咧宣導，店頭應該有時間準備。
-
陳時中無歇晝開記者會真辛苦? 蔣萬安剾洗
|來看臺北市長選戰，行政院長蘇貞昌呵咾民進黨參選人陳時中，中晝歇睏時間閣愛開記者會，誠辛苦。國民黨參選人蔣萬安批評這款講法，根本袂當體會民眾的生活壓力。另外，陳時中公佈競選團隊，欲揣林昶佐、范雲加入。毋過范雲進前牽涉檢疫3+11的爭議，抑若林昶佐是差一點仔予人罷免，黃珊珊表示，過去的代誌，市民攏看在眼內。
-
陳時中:毋甘臺北無發展 黃珊珊:欠快篩怎袂疼
|衛福部長陳時中準備欲落任，代表民進黨選臺北市長。陳時中認為，臺北的發展煞恬去，是誠毋甘。國民黨的臺北市長參選人蔣萬安也認同講法，毋過副市長黃珊珊煞回應講，予人民咧藥局排隊買喙罨、搶疫苗、搶快篩試劑，才是毋甘。另外，新北部分，林佳龍佮侯友宜，因為林口交流道的議題，有無仝的看法。
-
加160例本土.244例帶病入境 閣創今年新懸
|今仔日本土病例又閣超過一百例，來到160例，帶病入境也有244例。其中桃園跳舞老師群聚案，基因定序確定和桃園大潭電廠相仝，兩案可能有關聯。另外，國內也出現頭一例「XE」變種，病毒量真懸，毋過無症頭。指揮中心講，這个變種的資料真少，會按怎變化閣著觀察。
-
閣出現新變種 柯文哲:跨年暗會可能3工前取消
|閣1月就欲迎接2022年，各地也當咧準備跨年的活動。毋過這馬新變種病毒，可能會害活動出現變數。臺北市長柯文哲就講，有可能前三工宣佈毋辦，高雄市長陳其邁是表示，會嚴格監測、隨時調整政策。
-
臺灣新文化運動月 線頂表演.實體展覽紹介文協
|來看100冬前，臺灣的智識份子，成立臺灣文化協會，引進西方和日本進步的思想，培養臺灣人的文化意識。這馬臺北市文化局佮臺灣文化運動紀念館，推出紀念活動，欲予民眾了解，斯當時的文化協會，是按怎啟蒙臺灣社會。
