嘉義舊監獄設計活動 予民眾體驗坐監的感覺
林緯廷 / 嘉義報導
發布時間：
更新時間：
目次
嘉義舊監獄為著欲予民眾有無仝的感覺，特別佮在地劇團合作，利用監獄的房間推出浸水式的體驗活動。透過劇情佮線索，予參加的民眾感受心肝內面的監獄，思考家己的問題。（此則新聞標題、導言、內文皆為臺語文。）
「入去，按號碼揣著你的房間，佇房間門口ﰐ頭跍咧」
監獄的管理人員，tshuā人入去監獄的房舍了後，來體驗坐監的民眾，只會當佇一、二坪大的空間內底活動，房舍內底嘛有一寡特別的安排佮設計，欲予入來體驗的人，感受真誠坐監的感覺。
參與民眾林小姐表示，「一開始我感覺足恐怖的，家己一个人佇內底，猶閣有，閣有彼收音機會講話，我感覺足恐怖的。」
台灣田野學校總策劃尤姍姍說明，「你愛入來蹛，會穿犯人的杉，嘛會有戒護員☒，tshuā逐家入去體驗，但是入去房舍內底，內底規个佈置，攏咧講佮咱心內的有關係的物件，所以阮共遮設計號做心牢。」
設計這個活動的台灣田野學校講，透過監獄房舍遮狹的所在，除了身體坐監，每一个人心中嘛有心牢，心肝底總是有一寡心內事抑是艱苦的所在，所以房舍內底嘛有設計一寡仔物件，予來參加過的人、透過文字、互相交流、互相安慰。
參與民眾林小姐講，「佇內底會當看著誠濟人的問題，嘛有一寡仔可能是家己捌產生的問題，然後內底嘛有逐家的看法，然後就 會當認真來思考一下。」
參與民眾何小姐表示，「無見著面的一個狀況之下，用雙方的文字來交流，有感覺親像別人來予咱力量，家己嘛會當予人力量這種感覺，會有一種誠感心予人關心，袂有彼種家己面對問題的孤單。」
1919年起的嘉義舊監獄，佇2011年9月成做獄政博物館開放參觀，為著欲改變民眾對監獄的印象，地方創生團體透過活動、活化監獄、予遮成做嘉義在地才有的文化特色。
洪家馨/編輯
