信義區工地出現2-3米深窟仔 佳哉無傳出傷亡
黃子杰 陳信隆 張梓嘉 / 台北報導
發布時間：
更新時間：
台北市出現一个真大的窟仔，佇信義區崇德街60巷22號附近，一个新建案的工地，邊仔的道路下晡3點外，傳出路面崩去的事件，出現15米長、3米闊、深度2到3米的窟仔，機車、跤踏車、攏落落去窟仔內底，佳哉無人傷亡。(這則新聞標題、前言、內文為臺語文。)
當地住戶表示：「有看到一個窟仔，後來一直崩一直崩落去。」
記者：「有看著就對矣」 居民回答：「有，前面的格仔位，頭前的格仔位2个崩落去。」
記者問：「市政府有叫你們住佗位？有安排嗎？」
居民回答：「拄開始猶沒有崩落去。毋免，我今暗遮顧就好。」
相關的單位、攏趕到現場處理，因為窟仔共徛家的門戶擋牢，消防員也咧共受困的民眾救出來，有1个85歲的序大、先送到病院，目前評估有10外个民眾需要安置，抑若窟仔發生的原因，建管處認為，是附近的建案咧施工，造成地基流失，詳細原因閣愛調查。
張曼亭/編輯
