竹北雞牢開放認養 1個月500箍.通提60粒卵
張君豪 / 新竹報導
發布時間：
更新時間：
目次
新竹的竹北有1間雞牢，頭家開放予朋友，逐月日納500箍的營養費、認養2隻雞，按呢每個月逐个人就會使提著60粒雞卵。
(本則標題、導言、內文皆為臺文)
30外坪的雞牢，每一隻雞看起來營養攏袂䆀。原來一開始有朋友送10隻雞予主人飼。尾仔主人飼出興趣，愈飼愈濟，上濟的時有70隻，規氣招朋友，逐个人逐月日出500箍，認養2隻雞仔。
雞牢主人 高偉銍表示：「每一人出飼料錢，認養2隻雞仔500箍，逐個月有60粒雞卵，等於一隻雞仔30粒」
最近市面欠雞卵，當初時有認養雞仔的人這陣攏真歡喜，因為逐工攏食會著雞卵，閣有人想欲認養閣較濟隻。
雞牢主人 高偉銍表示：「我共誠濟人講買雞仔來我鬥飼，毋過這馬欲買雞仔囝愛等七月底才有」
主人講目前三個月大的雞仔平均賣220箍，只要飼6個月左右，就會逐工注卵，毋過這馬市場上，想欲買雞仔囝確實攏有困難。
鄭雅存/編輯
