泰戈爾"漂鳥集"臺文版 溫若喬改翻創詞有新意
鄭雅文 謝季潾/臺北報導
發布時間：
更新時間：
目次
新生代詩人-溫若喬，今年出版印度詩人-泰戈爾浪鳥集的臺文版，共這位世界知名文學家的作品，用倚音的方式，翻譯做臺語，望讀者感受著優雅的詩句。(這條新聞標題、前言是臺語文。)
「請予我相信，相信佇遮大篷的天星內底，總有一粒不時咧共我照路，tshuā我行過性命中，毋捌見識的烏暗。」
作者溫若喬所念的是印度詩人泰戈爾浪鳥集內底的詩，因為本身佮意寫詩，伊用兩冬時間共浪鳥集翻譯做台文版，望外界有全新體會。
作者溫若喬講:「透過這款經典作品的翻譯，其實會當予閣較濟人注意，原來台語是有辦法按呢呈現，阮也有特別準備podcast，會當予逐家，只要聽有台語，就會當那看字那聽。」
溫若喬講，泰戈爾的詩，用字簡單活潑，描繪自然也親像講予囡仔聽，予人清新溫暖的感覺，雖然真濟音譯翻過來是外來語，也希望定義出新的字詞，予讀者感受台語對應的意境，協助審定的其中一位老師莊佳穎，也特別用詩句舉例。
師大台文系副教授莊佳穎講:「第四條，It is the tears of the earth that keep her smiles in bloom.若是一般的翻法，咱會翻做地球的目屎，伊這句就共翻做是大地的珠淚。」
莊佳穎表示，本來台語對外來詞彙（sû-luī）的部份較欠缺，這幾冬有真濟外國文學的台文版，也予大眾進一步通理解台語的文雅。
張曼亭/編輯
專題｜改造地獄路 台灣行人路為何難行？
